ഇന്നലത്തെ കുറിപ്പില്‍ വ്യാപാരികളില്‍ ചിലരെ വിട്ടു പോയി.സമദ്ക്കയും ചാക്ക് ഹാജിക്കയും ആബാളി ഖാലിദും അവരില്‍
ഉള്‍പ്പെടും.സിറ്റിക്കൊരു സിനിമാ നടിയുണ്ട്; ഷം‌നകാസിം.
സിറ്റിയിലെ ഇ.എം അശ്രഫ് കൈരളി മിഡില്‍ ഈസ്റ്റ് ലേഖകനാണ്.മാധ്യമം ദിനപത്രത്തിലെ സ്പോര്‍ട്സ് ലേഖകന്‍ ബി.കെ.ഫസല്‍,കണ്ണൂര്‍ ലേഖകന്‍ സി.കെ.അബ്ദുല്‍ ജബ്ബാര്‍,മാത്രഭൂമിയിലെ അബ്ദുറഹീം,സിറാജ് ലേഖകന്‍ ഹനീഫ കുരിക്കളകത്ത്,സൌദിയില്‍ നിന്നിറങ്ങുന്ന മലയാള പത്രത്തില്‍ ജോലി ചെയ്യുന്ന സാലിം,കോളമിസ്റ്റ് ഒ.അബൂട്ടി,ആനുകാലികങ്ങളില്‍ എഴുതുന്ന കെ.പ്രഭാകരന്‍ തുടങ്ങിയവര്‍ പത്ര പ്രവര്‍ത്തന രംഗത്ത് തനതായ മുദ്ര പതിപ്പിച്ചവരാണ്.ഇവരില്‍ പലരും വിവിധ അവാര്‍ഡുകള്‍ക്ക് അര്‍ഹരായിട്ടുണ്ട്.
രാഷ്ടീയത്തില്‍ പയറ്റി തേളിഞ്ഞ പലരും സിറ്റിയുടെ മുതല്‍ കൂട്ടാണ്.കേന്ദ്ര മന്ത്രി ഇ.അഹമ്മദ് ഒരു ഉദാഹരണം.സി.കണ്ണന്‍ ,അശ്രഫ് ബംഗാളി,ഓ.കെ.തങ്ങള്‍,എം.കെ.ഖാലിദ് തുടങ്ങിയ ചെറുതും വലുതുമായ നേതാക്കള്‍ സിറ്റിയിലുണ്ട്.ഇവരില്‍ സി.കണ്ണനും ഓ.കെ തങ്ങളും എം.കെ.ഖാലിദും ഈ ലോകത്തോട് വിടപറഞ്ഞു.
അഗതികളെയും അശരണരേയും രോഗികളെയും പരിഗണിക്കുന്നതിലും കണ്ണൂര്‍ സിറ്റി മുന്‍‌പന്തിയിലാണ്.കണ്ണൂര്‍ സിറ്റി ദീനുല്‍ ഇസ്ലാം യതീംഖാനയും അതിന്റെ അമരക്കാരന്‍ ഇ.അഹമ്മദ് സാഹിബും,കണ്ണൂര്‍ മുസ്ലിം ജമാ_അത്തും അതിന്റെ നാഡിയിടിപ്പായ മൊയിതു സാഹിബും ഇക്കാര്യത്തില്‍ സ്തുത്യര്‍ഹമായ സേവനമാണ് കാഴ്ച്ചവെച്ചത്. റമദാനില്‍ സിറ്റിയിലെത്തുന്ന അഗതികള്‍ക്ക് അത്താഴ ഭക്ഷണം നല്‍കുന്ന ഒരു കൂട്ടായ്മ സിറ്റിയിലുണ്ട്.തെക്യാബ് കമ്മിറ്റിയുടെ കീഴില്‍ വര്‍ഷങ്ങളായി ഈ പുണ്യ കര്‍മ്മം നടക്കുന്നു.
നിരവധി മഹാത്മാക്കള്‍ കണ്ണൂര്‍ സിറ്റിയില്‍ വിശ്രമം കൊള്ളുന്നു.അരട്ടക്കപള്ളിയിലെ ഹയാത്തുല്‍ മുഹ്‌മിനീന്‍,കണ്ണൂര്‍ സിറ്റി ജുമാ മസ്ജിദിന്നടുത്തുള്ള സയ്യിദ് മൌലാ,പുതിസ്ലാംപള്ളി,വെത്തിലപള്ളി,മൈതാനപള്ളി എന്നിവിടങ്ങളിലെ ഔലിയാക്കള്‍,ഖോദരിശ്ശാ ഔലിയാ,തുടങ്ങിയവരുടെ മഖ്ബറകളും പതിനഞ്ചിലധികം നമസ്കാര പള്ളികളും ഒരു ക്ര്യസ്ത്യന്‍ ചര്‍ച്ചും മൂന്നമ്പലങ്ങളും സിറ്റിയിലുണ്ട്.
മാപ്പിള ബേയും അറക്കല്‍ രാജകൊട്ടാരവും അറക്കല്‍ മ്യൂസിയവും സിറ്റിയില്‍ തലയുയര്‍ത്തി നില്‍ക്കുന്നു.കണ്ണൂര്‍ ജില്ലക്ക് പുറത്തുള്ള പലരും സിറ്റിയില്‍ വിവിധ തൊഴിലില്‍ ഏര്‍പ്പെട്ട് അവരുടെ ഉപജീവന മാര്‍ഗ്ഗം കണ്ടെത്തുന്നു.ഇവരില്‍ അധ്യാപകരുണ്ട്.കടല്‍ തൊഴിലാളികളുണ്ട്.കൂലി തൊഴിലാളികളുണ്ട്.
ഹോമിയോ ഡോക്ടര്‍ അബ്ദുറഷീദ്,ഡോക്ടര്‍ നാരായണന്‍ കുട്ടി,മെഡിക്കല്‍ ഓഫീസര്‍ ജസ്റ്റിന്‍ വര്‍ഗീസ്,അഡ്വക്കേറ്റ് പി.മഹമൂദ്,അഡ്വക്കേറ്റ് അന്‍‌വര്‍,അഡ്വക്കേറ്റ് ഫൈസല്‍,ജസ്റ്റിസ് ഖാലിദ് തുടങ്ങിയവരും സിറ്റിയില്‍ പിറന്നവരാണ്.
ഒരു കാലത്ത് കണ്ണൂരിലെ കല്യാണ വീടുകളില്‍ സജീവ സാന്നിധ്യമായിരുന്ന ഗായകന്‍ എം.എസ് അബുറഹിമാന്‍ എന്ന അന്തീക്ക,കണ്ണൂര്‍ ഷാഫി,കണ്ണൂര്‍ ഷെരീഫ്,എന്നിവര്‍ സിറ്റി സ്വദേശികളാണ്.
(ബാക്കി പിന്നീട്)
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ